merki sameinaðs sveitarfélags

Samstarfsyfirlýsing um uppbyggingu íbúðarhúsnæðis

Sveitarstjóri undirritaði rétt í þessu fyrir hönd sveitarfélagsins samstarfsyfirlýsingu um uppbyggingu íbúðarhúsnæðis í sveitarfélaginu þar sem Jarðböðin hf. og Skútustaðahreppur lýsa yfir vilja til samstarfs.Jarðböðin kynntu nýverið metnaðarfull uppbyggingaráform. Áformin munu skapa fjölda nýrra starfa og í því ljósi er það vilji Jarðbaðanna að tryggja starfsfólki sínu húsnæði. Að sama skapi er það vilji sveitarfélagsins að styðja við öflugt atvinnulíf og mannlíf á svæðinu og fjölga íbúum til að styrkja stoðir samfélagsins. Í því ljósi er íbúðarhúsnæði lykil atriði. Samstarfið við Jarðböðin er mikilvægur hlekkur í stærra verkefni þar sem leitast verður við að byggja til að mæta þörfum íbúa, eldra fólks og fyrirtækja á svæðinu ásamt uppbyggingu leiguhúsnæðis í samstarfi við Húsnæðis- og mannvirkjastofnun. Útfærsla verkefnisins og samstarf verður mótað nánar á komandi vikum.

Scroll to Top