merki sameinaðs sveitarfélags

Friðarganga umhverfis Mývatn á föstudaginn langa

Í ár ætlum við að fara aftur af stað með göngu umhverfis Mývatn en margir hafa lagt leið sína í píslagönguna allt frá árinu 1993 þegar nokkrir vinir ákváðu að föstudagurinn langi væri eini dagurinn á árinu sem væri nógu langur til að ganga hringinn í kringum vatnið.

Í ár verður gangan tileinkuð friði á jörð.

Gangan er 36 kílómetrar og fer hver og einn á sínum hraða, gangandi, hlaupandi eða hjólandi.

Dagskrá:

08:30 – Mæting í Reykjahlíðarkirkju þar sem fer fram skráning í gönguna í  gestabók og séra Örnólfur sér um morguntíðir.

09:00 – Friðarganga hefst. Örn á Grímsstöðum og Jói frá Álftagerði sem fóru hringinn fyrst 1993 mæta og starta göngunni.

Á leiðinni verður hægt að koma við í Vagnbrekku sem er 12 km og nota salerni og fylla vatnsbrúsa. Skútustaðakirkja verður opin þar sem hægt verður að hvíla lúin bein og hlusta á séra Örnólf lesa Passíusálmana. Í Skjólbrekku verður hægt að komast á salerni og kaupa súkkulaði kaffi og kleinur fyrir 1000.- kr (a.t.h. enginn posi á staðnum). Kvenfélagið tekur á móti fólki frá 11:30- 16:00.

Þá eru 16 km eftir í Reykjahlíð og hægt að komast á salerni á Geiteyjarströnd 1. Björgunarsveitin Stefán mun vera til taks ef á þarf að halda.

Við tökum á móti frjálsum framlögum og mun söfnunarfé renna óskipt til flóttafólks frá Úkraínu.

Reikningurinn er á nafni Skútustaðarkirkju

Úkraínureikningur:

1110-05-250359

Kt. 600269-1279

Hvetjum alla til að styrkja gott málefni.

Verið hjartanlega velkomin!

Scroll to Top