merki sameinaðs sveitarfélags

Bokashi jarðgerð

Frá og með 1. janúar 2023 verður óheimilt að urða lífrænan úrgang. Á sama tíma kemur til framkvæmda breyting á lögum nr. 55/2003 um meðhöndlun úrgangs, sem felur í sér að innheimta fyrir meðhöndlun úrgangs skuli vera sem næst raunkostnaði niður á hvern aðila. Enn á eftir að útfæra lausn á þeim áskorunum sem fylgja þessum reglugerðarbreytingum en ein möguleg lausn er jarðgerð lífrænna hráefna heima fyrir.

Skútustaðahreppur hóf í maí 2021 tilraunaverkefni með jarðgerð lífræns hráefnis með loftfirrtri aðgerð, svokallaðri Bokashi aðferð sem hefur reynst vel. Losunarstaðir fyrir innihald tunnanna hafa verið aðgengilegir við hreppskrifstofu og Gíg Skútustöðum sem losaðir hafa verið á Hólasandi til uppgræðslu.
Þeir sem hafa áhuga á að kaupa sett geta pantað eitt slíkt og sótt það á skrifstofu sveitarfélagsins að Hlíðarvegi 6 Reykjahlíð eða Kjarna Laugum. Verð á hvert sett er 12.600 kr.

Nafn og kennitölu skal senda á atli@skutustadahreppur.is og mun greiðsluseðill verða sendur í heimabanka.

Opinn áhugahópur á facebook um jarðgerð með Bokashi er aðgengilegur hér: https://www.facebook.com/groups/

Scroll to Top