merki sameinaðs sveitarfélags

19. fundur atvinnumála- og framkvæmdanefndar

7. september 2021

Fundinn sátu:
Anton Freyr Birgisson, Friðrik K. Jakobsson, Guðmundur Þór Birgisson, Júlía K. Björke, Sigurbjörn Reynir Björgvinsson. Fundinn sátu einnig Guðjón Vésteinsson og Atli Sveinbjörnsson, ásamt Sveini Margeirssyni.

Fundargerð ritaði: Sveinn Margeirsson, sveitarstjóri.

Dagskrá:

1.  Skútustaðahreppur Húsnæðisáætlun – 1709004
Staða húsnæðismála í Skútustaðahreppi rædd.
Atvinnumála- og framkvæmdanefnd telur mikilvægt að við uppfærslu aðalskipulags verði tekið tillit til þeirrar umtalsverðu þarfar sem fyrir hendi er í sveitarfélaginu fyrir íbúðarhúsnæði, þ.m.t. með mögulegri útvíkkun þéttbýlisins í Reykjahlíð. Til lengri tíma er framtíðarsýn nefndarinnar að eldri íbúðir sveitarfélagsins verði seldar, til að fjármagna frekari uppbyggingu íbúðarhúsnæðis. Aukinheldur er mikilvægt að nýta þau opinberu úrræði sem eru fyrir hendi til fjármögnunar á uppbyggingu íbúðarhúsnæðis.
Samþykkt
 
2.  Atvinnu- og nýsköpunarstefna – 2010027
Farið yfir stöðu atvinnu- og nýsköpunarstefnu.
Lagt fram
 
3.  Göngu- og hjólastígur – 2008026
Farið yfir stöðu göngu- og hjólastígs.
Atvinnumála- og framkvæmdanefnd fagnar þeim áföngum sem hafa náðst í uppbyggingu á göngu- og hjólastíg. Framkvæmdin er mikilvægur hluti af áfangastaðaáætlun Norðurlands og mun nýtast jafnt íbúum og ferðamönnum. Framundan er uppbygging á stígnum frá Dimmuborgaafleggjara og að Skútustöðum og verður hluti þess verks boðinn út á næstu vikum. Nefndin vill þakka Vegagerð, Umhverfisstofnun, landeigendum og öðrum samstarfsaðilum fyrir samstarfið. Lögð er áhersla á mikilvægi þess að göngu- og hjólastígur umverfis Mývatn verði kláraður á næstu 3-5 árum.
Lagt fram
 
4.  Hólasandur Fráveita og uppgræðsla – 1801007
Fjallað um stöðu framkvæmda við svartvatnstank á Hólasandi og samstarf við Landgræðsluna um dreifingu svartvatns á Hólasandi.
Atvinnumála- og framkvæmdanefnd fagnar þeim áföngum sem náðst hafa við uppbyggingu svartvatnstanks. Söfnun og dreifing svartvatns er jákvætt skref í uppbyggingu hringrásarhagkerfis Mývatnssveitar. Mikilvægt er að dreginn verði lærdómur af því nýsköpunar- og frumkvöðlastarfi sem unnið hefur verið í verkefninu, m.a. í samhengi umhverfisverndar, uppgræðslu og kolefnisbindingar.
Lagt fram
 

Fundi slitið kl. 10:00.

Scroll to Top