Frßrennslismßl Ý Sk˙tusta­ahreppi

  • Sk˙tusta­ahreppur
  • 26. febr˙ar 2021

Í Skútustaðahreppi hefur frárennsli frá húsum og atvinnustarfsemi vakið upp spurningar um áhrif á lífríki Mývatns. Fréttir hafa borist af ummerkjum ofauðgunar af mannavöldum vegna mikils magns næringarefna í vatninu.
I apríl 2018 var undirrituð viljayfirlýsing af umhverfisráðherra, fjármálaráðherra, fulltrúa Landgræðslunnar og sveitarstjóra Skútustaðahrepps um nýtingu svartvatns (salernisúrgangs) við uppgræðslu á Hólasandi.

Í reglugerð um verndum Mývatns og Laxár er þess krafist að skólp sé hreinsað með ítarlegri hreinsun en tveggja þrepa þar sem losun nemur meira en 50 persónueiningum. Rotþró með siturbeði er í reglugerð um fráveitur og skólp skilgreind sem tveggja þrepa hreinsivirki og er slíkt hreinsivirki því ófullnægjandi fyrir stærri aðila og fjölmennari staði á vatnasviði Mývatns og Laxár. Verkfræðistofan Efla sá um verkfræðiráðgjöf varðandi fráveitulausn fyrir Skútustaðahrepp og heldur utan um hönnun verkefnisins.

Haustið 2019 var hafist handa við uppbyggingu svartvatnstanks á Hólasandi sem mun koma til með að hreinsa skólpið og breyta því í áburð sem nýtist við uppgræðslu. Stefnt er að því að tankurinn verði kominn í notkun sumarið 2021. Til þess að geta nýtt tankinn þarf að sía þurrefnin úr skólpinu en yfirleitt fer grávatn með svartvatni í rotþrær þar sem þær eru nýttar.

 


Deildu ■essari frÚtt

AđRAR S═đUR