Framlengdur samningur við Sálfræðiþjónustu Norðurlands

• Fréttir
• 16. desember 2020

Kæru Mývetningar.

Skútustaðahreppur og Sálfræðiþjónusta Norðurlands tóku höndum saman í vor og buðu Mývetningum upp á verkefni sem fólst í sértækri þjónustu varðandi geðrækt (hluti af hamingjuverkefninu). Geðræktarverkefnið skiptist í fræðslu, ráðgjöf, verkefni og rannsóknir þar sem megináherslan hefur verið á lífsleikni og sjálfsrækt annars vegar og geðrækt hinsvegar. 

Verkefnið hefur tekist einstaklega vel og hefur verið ákveðið að framlengja samninginn við Sálfærðiþjónust Norðurlands. Íbúum sveitarfélagsins verður áfram boðið upp á ókeypis ráðgjöf/einstaklingsmeðferð hjá sálfræðingum og hjúkrunarfræðingu sem nemur allt að þremur tímum árið 2021. Þeir sem hafa þegar nýtt sér þjónustuna á þessu ári gefst einnig kostu á að nýta sér hana áfram.

Allir íbúar eldri en 16 ára með lögheimili í sveitarfélaginu geta óskað eftir ráðgjöf hjá sálfræðingi eða hjúkrunarfræðingi hjá Sálfræðiþjónustu Norðurlands.

Ráðgjöfin/viðtölin geta farið fram í fjarþjónustu (fjarfundabúnaði), á starfsstöð Sálfræðiþjónustu Norðurlands eða í húsnæði á vegum Skútustaðahrepps.

Hámark 3 viðtöl á mann.  Kostnaður: Ókeypis.

Tímalengd: 45 mínútur líkt og hefðbundið viðtal hjá sálfræðingi eða hjúkrunarfræðingi.

• Síðast uppfært: 16. desember 2020