Geđrćkt í Mývatnssveit – Einstakt verkefni ţar sem í bođi verđa námskeiđ og einkatímar fyrir íbúa

  • Fréttir
  • 18. maí 2020

Skútustaðahreppur og Sálfræðiþjónusta Norðurlands hafa tekið höndum saman og ætla að bjóða Mývetningum upp á verkefni sem felst í sértækri þjónustu varðandi geðrækt (hluti af hamingjuverkefninu). Geðræktarverkefnið skiptist í fræðslu, ráðgjöf, verkefni og rannsóknir þar sem megináherslan verður á lífsleikni og sjálfsrækt annars vegar og geðrækt hinsvegar.

Í síðustu viku var opinn fyrirlestur og kynning á geðræktarverkefninu í Skjólbrekku og var fundinum jafnframt streymt á facebook síðu sveitarfélagsins, er hægt að nálgast upptöku af honum þar. Eru Mývetningar hvattir til þess að horfa á fundinn því þar er kynnt aðferðarfræði  sem er einstök á landsvísu en sveitarfélagið mun bjóða upp á námskeið til að efla geðrækt Mývetninga. Jafnframt mun sveitarfélagið bjóða íbúum upp á þrjá ókeypis tíma hjá sálfræðingi.  Þá verða forvarnir og úrræði fyrir grunnskólanemendur og ungmenni í gegnum náttúrumeðferð.

Vel var mætt, bæði í Skjólbrekku og á fjarfundinn. Dagbjört Bjarnadóttir hjúkrunarfræðingur og sveitarstjórnarfulltrúi fór yfir niðurstöður Hamingjukönnunar 2020.  Sigrún Heimisdóttir sálfræðingur kynnti aðkomu Sálfræðiþjónustu Norðurlands, samstarfsfólk og hvað geðræktarverkefnið felur í sér. Helgi Héðinsson Oddviti var fundarstjóri.

Fyrsta námskeiðið verður haldið í júní og verður auglýst fljótlega. Mývetningar eru hvattir til þess að fylgjast vel með og grípa það sem í boði verður.

 

 


Deildu ţessari frétt

AĐRAR FRÉTTIR

Fréttir / 3. júní 2020

Dagskrá 41. fundar sveitarstjórnar

Fréttir / 28. maí 2020

Skipulagsfulltrúi óskast

Fréttir / 27. maí 2020

Sumar opnunartími ÍMS

Fréttir / 20. maí 2020

Dagskrá 40. fundar sveitarstjórnar

Skólafréttir / 15. maí 2020

Unicef hlaupiđ

Fréttir / 8. maí 2020

Íţróttakennari óskast

Fréttir / 7. maí 2020

Dagskrá 39. fundar sveitarstjórnar