Laufey Sigurđardóttir fćr Menningarverđlaun Skútustađahrepps 2020

  • Fréttir
  • 17. maí 2020

Velferðar- og menningarmálanefnd Skútustaðahrepps hefur samþykkt að Laufey Sigurðardóttir fiðluleikari í Höfða fái Menningarverðlaun Skútustaðahrepps 2020. Nafnbótin getur hvort sem er hlotnast einstaklingum, hópi eða félagasamtökum. Tilnefningar bárust en velferðar- og menningarmálanefnd velur hver hlýtur menningarverðlaun eða viðurkenningu fyrir framúrskarandi menningarstarf með hliðsjón af tilnefningum og ábendingum, en er þó ekki bundin af því. Handhafi menningarverðlauna fær styrk frá sveitarfélaginu samkvæmt fjárhagsáætlun hvers árs. Þetta er í annað sinn sem verðlaunin eru afhent.

Í tilnefningu um Laufeyju sagði m.a.:

„Í meira en 20 ár hefur hún staðið fyrir tónlistarhátíðinni Músik í Mývatnssveit um páska og gefið okkur Mývetningum tækifæri á að sjá og hlýða á flytjendur á heimsmælikvarða. Tónleikarnir hafa verið fastir í páskadagskránni í Mývatnssveit og hingað hafa komið bæði innlendir og erlendir hljóðfæraleikarar og söngvarar og flutt verk sem margir hér í Mývatnssveit myndu aldrei annars hafa tækifæri á að sjá flutt. Hátíðin hefur einnig verið aðdráttarafl fyrir gesti að sækja sveitina heim um páska. Það að geta setið í Skjólbrekku og hlustað á flutning á aríum úr nýjustu íslensku óperunni eða klassískari verk flutt af heimsklassa tónlistarfólki er algjörlega ómetanlegt.”


Deildu ţessari frétt

AĐRAR FRÉTTIR

Fréttir / 3. júní 2020

Dagskrá 41. fundar sveitarstjórnar

Fréttir / 28. maí 2020

Skipulagsfulltrúi óskast

Fréttir / 27. maí 2020

Sumar opnunartími ÍMS

Fréttir / 20. maí 2020

Dagskrá 40. fundar sveitarstjórnar

Skólafréttir / 15. maí 2020

Unicef hlaupiđ

Fréttir / 8. maí 2020

Íţróttakennari óskast

Fréttir / 7. maí 2020

Dagskrá 39. fundar sveitarstjórnar