Tilkynning frá viđbragđsteymi: Stefnt ađ ţví ađ skert starfsemi grunnskóla og leikskóla hefjist miđvikudaginn 15. apríl

  • Fréttir
  • 6. apríl 2020

Kæru Mývetningar. Á fundi viðbragðsteymis og forstöðumanna Skútustaðhrepps í morgun kom fram að ekkert nýtt smit hefur greinst í Mývatnssveit síðustu daga. Því eru enn fimm staðfest smit og þeir einstaklingar í einangrun.

Á fundinum í morgun var ákveðið að stefnt er að því að hefja skert skólastarf í leik- og grunnskóla miðvikudaginn 15. apríl með þeim fyrirvara að aðstæður geta breyst með skömmum fyrirvara. Ávallt verður haft í fyrirúmi að gæta ítrustu varúðarráðstafana til að verja viðkvæmustu íbúa sveitarfélagsins.

ÁFRAMHALD SKÓLASTARFS:

Lokaákvörðun um framhald skólastarfsins verður tekin þriðjudaginn 14. apríl en þann dag verður starfsmannadagur á báðum starfsstöðvum til að undirbúa skert skólastarf. Fullur skilningur verður á því ef foreldrar/forráðamenn ákveða að senda börnin sín ekki í leikskóla og grunnskóla eftir að þeir opna að nýju og eru foreldrar/forráðamenn beðnir að láta skólastjóra og leikskólastjóra vita.

  • Miðað er við að starfsemi Reykjahlíðarskóla verði nokkuð skert en með svipuðu sniði áður en skólanum var lokað, nema að nemendur þurfi að koma með nesti með sér því eldhúsið verður eingöngu nýtt fyrir leikskólann. Frekari fyrirmæli um fyrirkomulag skólastarfsins mun skólastjóri senda út þriðjudaginn 14. apríl þegar ákvörðun um framhaldið liggur fyrir.
  • Miðað er við að starfsemi leikskólans Yls verði með talsvert breyttu sniði þar sem áætlað er að skipta bæði nemendum og starfsfólki upp í tvo hópa sem mæta í leikskólann annan hvern dag. Frekari fyrirmæli um fyrirkomulag leikskólastarfsins mun leikskólastjóri senda út þriðjudaginn 14. apríl þegar ákvörðun um framhaldið liggur fyrir.
  • Á meðan núverandi samkomubann er í gildi verður íþróttamiðstöðin áfram lokuð.

 

BÓKASAFNIÐ LOKAR - ÁFRAM HEIMSENDINGAÞJÓNUSTA

Vegna fyrirmæla sóttvarnalæknis um lokun almenningsbókasafna verður Bókasafns Mývatnssveit í Skjólbrekku lokað frá og með deginum í dag.

  • Hins vegar munum við áfram bjóða upp á heimsendingaþjónustu. Hægt er að hringja í Þuríði Pétursdóttur bókasafnsvörð í síma 847 4666 á OPNUNARTÍMA safnsins og panta bækur sem Þuríður er tilbúin til þess að keyra heim til fólks sé óskað eftir því án aukakostnaðar. Skilyrði er að vera lánþegi á safninu, skilasektir verða felldar niður tímabundið.

Viðbragðshópurinn og forstöðumenn munu halda áfram að hittast reglulega, afla upplýsinga og endurmeta stöðuna hverju sinni og halda íbúum sveitarfélagsins vel upplýstum.

Gangi ykkur vel í ykkar verkefnum. Hikið ekki við að hafa samband til að fá nánari upplýsingar.

Við hvetjum Mývetninga að slaka alls ekki á klónni heldur fylgja fyrirmælum og leiðbeiningum almannavarna og landlæknis í hvívetna. Samstaðan kemur okkur fyrr í gegnum þetta krefjandi verkefni. Verum heima um páskana og ferðumst innanhúSs, eða í mesta lagi út í fjós!

Þorsteinn Gunnarsson, sveitarstjóri

 


Deildu ţessari frétt

AĐRAR FRÉTTIR

Fréttir / 3. júní 2020

Dagskrá 41. fundar sveitarstjórnar

Fréttir / 28. maí 2020

Skipulagsfulltrúi óskast

Fréttir / 27. maí 2020

Sumar opnunartími ÍMS

Fréttir / 20. maí 2020

Dagskrá 40. fundar sveitarstjórnar

Skólafréttir / 15. maí 2020

Unicef hlaupiđ

Fréttir / 8. maí 2020

Íţróttakennari óskast

Fréttir / 7. maí 2020

Dagskrá 39. fundar sveitarstjórnar