Frá sveitarstjóra - Tilkynning til íbúa Skútustađahrepps vegna samkomubanns

  • Fréttir
  • 15. mars 2020

Kæru íbúar Skútustaðahrepps.

Í upphafi vil ég þakka kærlega fyrir samheldni og skilning á þeim fordæmalausu aðstæðum sem nú ríkja. Í þeim samfélagslegu aðstæðum sem nú eru leggur Skútustaðahreppur höfuðáherslu á að fylgja í einu og öllu fyrirmælum opinberra aðila sem stýra aðgerðum til  varnar útbreiðslu COVID veirunnar.

Stjórnendur og starfsfólk sveitarfélagsins hafa undirbúið viðbrögð í starfsemi stofnana við samkomubanninu sem tekur gildi á miðnætti vegna Covid19.

Ljóst er að starfsemi og þjónusta sveitarfélagsins verður með breyttu sniði næstu fjórar vikurnar. Rétt er að taka fram að breytingar á starfseminni geta verið gerðar með afar skömmum fyrirvara og verða þá tilkynntar á heimasíðu sveitarfélagsins og stofnunum þess.

Allir íbúar eru hvattir til að leita almennra upplýsinga um faraldurinn og viðbrögð við honum inni á www.covid.is – þar er að finna allar nauðsynlegar upplýsingar sem gilda næstu fjórar vikurnar.

Helstu ákvarðanir sem teknar hafa verið eru eftirfarandi:

Leikskólinn Ylur:

  • Vegna undirbúnings hefst skólastarf kl. 10.00 mánudaginn 16. mars en með nokkrum takmörkunum.
  • Samkvæmt viðmiðum á að halda starfsemi gangandi á sem öruggastan hátt, þ.e. börn séu í sem minnstum hópum og aðskilin sem mest.
  • Tímar í íþróttahúsi falla niður ásamt tónlistarkennslu.
  • Foreldrar/aðstandendur eru beðnir um að takmarka umgang inni í leikskólanum eins og kostur er.
  • Mælst er til að móttaka á morgnanna fari fram í fataklefa og að börnin verði sem mest útivið í lok dags þar sem foreldrar/aðstandendur sækja þau.
  • Eins þurfum við að takmarka og auka þrif á leikföngum.
  • Samgangur á milli leikskóla og grunnskóla verður takmarkaður eins og aðstæður leyfa en mikilvægt er að sem fyrr sé skynsemi höfð þar að leiðarljósi.
  • Lokað verður fyrir aðgang utanaðkomandi aðila.
  • Þrif verða aukin samkvæmt leiðbeiningum  frá Sambandi íslenskra sveitarfélaga.

Reykjahlíðarskóli:

  • Skólastarf verður með hefðbundnu sniði mánudaginn 16. mars en þó með nokkrum takmörkunum.
  • Samkvæmt viðmiðum skal kennsla í hópum ekki vera með fleiri en 20 nemendum og ekki verði um blöndun hópa að ræða innan skóladagsins. Hver hópur hafi eina stofu til umráða. Öll kennsla fari fram í stofu viðkomandi hóps .
  • Námshópar Reykjahlíðarskóla verða óbreyttir en í matsal verða tveir hópar og tekið mið af 1.-4. bekk og 5.-10. bekk. 
  • Ekki má  blanda hópum saman í matsal. Fyllsta hreinlætis er gætt í mötuneyti samkvæmt leiðbeiningum.
  • Gerðar hafa verið breytingar á skipulagi skólastarfs, frístundastarfs og skólaakstri til samræmis við þetta.
  • Nemendur fara ekki í íþróttakennslu í íþróttahús heldur verður íþróttakennsla í formi hreyfingar á skólalóð eða inni í hópastofum.
  • Nemendur fara ekki í sérgreinakennslu í sérgreinastofum.
  • Hópatímar í tónlistarskóla falla niður.
  • Samgangur á milli leikskóla og grunnskóla verði takmarkaður eins og aðstæður leyfa en mikilvægt er að sem fyrr sé skynsemi höfð þar að leiðarljósi.
  • Lokað verður fyrir aðgang utanaðkomandi aðila.
  • Starfsmenn annarra stofnana sem hafa verið í hádegismat í skólanum koma ekki í mat í skólann.
  • Þrif verða aukin samkvæmt leiðbeiningum  frá Sambandi íslenskra sveitarfélaga.
  • Frístundastarf er í endurskoðun og verða nánari upplýsingar sendar út fljótlega.

Skólaakstur:

  • Skipulagi skólaaksturs hefur verið breytt. Bil milli nemenda í kennslustofum og skólabílum er ekki skilyrt við 2 metra en varast ber að hópar sem aðgreindir eru í skólunum blandist saman í skólabílum.
  • Börn sem eiga viðkvæma aðstandendur, gætu þurft að halda sig frá skólabílnum og er það foreldra að leggja mat á það.
  • Þrif á skólabílum séu i samræmi við viðmið Landlæknis um skólahúsnæði.

Íþróttamiðstöð:

  • Ekki verður hefðbundin íþrótta- og sundkennsla á vegum grunnskóla og leikskóla í samkomubanninu.
  • Líkamsræktarstöð og íþróttasalur opin en taka skal mið af viðmiðum sóttvarnarlæknis. Aldrei skulu vera fleiri en 10 manns í líkamsræktarsalnum í einu og 15 manns í íþróttahúsi.
  • Búningsklefar eru lokaðir.

Skrifstofa Skútustaðahrepps:

  • Hreppsskrifstofa er lokuð almenningi og enginn samgangur við Mikley.
  • Símaþjónusta er frá kl. 9-12 og 13-15 mánudaga til fimmtudaga og kl. 9-12 á föstudögum. Sími 46 46 660. Hægt er að senda tölvupóst á netfangið skutustadahreppur@skutustadahreppur.is og einnig eru upplýsingar um netföng starfsfólks á heimasíðu.

Bókasafn:

  • Opnunartími bókasafns í Skjólbrekku er óbreyttur, þ.e. mánudaga kl. 15-19.

Eldri borgarar:

  • Félagsstarf hjá eldri borgurum fellur niður. 
  • Heimaþjónusta eldri borgara verður óbreytt nema beiðni komi um annað til hreppsskrifstofu.

Sorphirða, gámasvæði og vetrarþjónusta:

  • Gert er ráð fyrir óbreyttri sorphirðu og vetrarþjónustu.
  • Opnunartími gámasvæðis helst óbreyttur.

Áhaldahús og slökkvistöð:

  • Aðgengi lokað almenningi.

Þorsteinn Gunnarsson
sveitarstjóri


Deildu ţessari frétt

AĐRAR FRÉTTIR

Fréttir / 5. mars 2020

Dagskrá 35. fundar sveitarstjórnar

Fréttir / 4. mars 2020

Ađalfundur foreldrafélagsins

Fréttir / 4. mars 2020

Ađalfundarbođ

Fréttir / 28. febrúar 2020

Grímuball og öskudagur 2020