Ungmennaráđ

  • Stjórnsýsla
  • 25. febrúar 2021

Ungmennaráð Skútustaðahrepps var sett á laggirnar haustið 2019. Ráðið er skipað til eins árs í senn. 

Í samþykkt fyrir ungmennaráð Skútustaðahrepps segir um skipan ráðsins:
- Tveir fulltrúar úr 8. til 10. bekk Reykjahlíðarskóla og tveir til vara sem valdir eru árlega. Nemendur skólans velja sína fulltrúa með samráði eða kosningu.
- Tveir fulltrúar og tveir til vara sem velferðar- og menningarmálanefnd Skútustaðahrepps velur úr hópi þeirra sem eru ekki á grunnskólaaldri. 

Ungmennaráð 2020-2021: 

Fulltrúar Reykjahlíðarskóla eru: Aðalmenn Margrét Ósk  Friðriksdóttir og Kristján Örn Kristjánsson. Varamenn eru Júlía Brá Stefánsdóttir og Bárður Jón Gunnarsson. Auglýst var eftir fulltrúum á aldrinum 16-21 árs og eru aðalmenn þau Helgi James Price Þórarinsson og Dóróthea Gerður Örnólfsdóttir. Varamenn eru Anna Mary Yngvadottir og Inga Thorarinsdottir 

Á fyrsta fundi skipti ungmennaráðið með sér verkum og er Dóróthea Gerður Örnólfsdóttir formaður og Margrét Ósk Friðriksdóttir varaformaður. Starfsmaður ungmennaráðs er Arnþrúður Dagsdóttir. 

Ungmennaráð er ráðgefandi um málefni er tengjast ungu fólki á aldrinum 14 til 21 árs í sveitarfélaginu í umboði sveitarstjórnar. Ungmennaráð gerir tillögur til sveitarstjórnar um hvert það mál sem ráðið telur tengjast hagsmunum og aðstæðum ungs fólks. Ráðið fylgist með því, eins og við á, að stofnanir og þjónusta sveitarfélagsins vinni með hagsmuni ungs fólks að leiðarljósi. Með þessum hætti er leitast við að efla umfjöllun sveitarstjórnar um málefni er tengjast ungu fólki. 


Deildu ţessari frétt

AĐRAR SÍĐUR

Nýjustu fréttir