Félagsstarf eldri borgara (60+) hefst 23. október

  • Fréttir
  • 9. október 2019

Félagsstarf eldri borgara í Mývatnssveit, 60 ára og eldri, hefst að nýju eftir sumarleyfi með leikfimitíma mánudaginn 21. október kl. 9:00.

Fyrsta samverustundin verður miðvikudaginn 23. október.  Starfið er með hefðbundnum hætti en fer fram í nýju aðstöðunni í íþróttamiðstöðinni. Þar fer vel um starfið í bjartri og rúmgóðri stofu.  Eldri borgarar hafa aðgang að stofunni alla daga vikunnar ef þeir vilja og geta nýtt sér aðstöðuna í íþróttahúsinu sér að kostnaðarlausu.

Athugið! Félagsstarfið verður áfram á miðvikudögum og hefst kl. 11:50 í leikfimi fyrir þá sem vilja.

Umsjón félagsstarfsins: Þórdís Jónsdóttir (Dísa). Til aðstoðar verður Ásta Price.

Auka leikfimistími:

Boðið verður upp á auka leikfimistíma fyrir eldri borgara á mánudögum kl. 9:00 í íþróttahúsinu hjá Ástu Price. Fyrsti mánudagstíminn verður 21. október.

Boðið upp á ókeypis akstur:

Áfram verður boðið verður upp á akstur í samverustundina á miðvikudögum á vegum sveitarfélagsins og er eldri borgurum að kostnaðarlausu. Egill Freysteinsson sér um aksturinn. Þeir sem ætla að nýta sér aksturinn þurfa að láta vita í hvert skipti, í síðasta lagi daginn fyrir samverustundina, hjá Ástu í íþróttamiðstöðinni í síma  464 4225. Að lokinni samverustund er svo einnig boðið upp á akstur heim.

Vonandi sjáum við ykkur sem flest í félagsstarfinu í vetur. Maður er manns gaman.

Skútustaðahreppur


Deildu ţessari frétt

AĐRAR FRÉTTIR

Fréttir / 17. september 2019

Dagskrá 25. fundar sveitarstjórnar

Fréttir / 4. september 2019

Dagskrá 24. fundar sveitarstjórnar

Fréttir / 3. september 2019

Tímabundin lokun ađgengis í Höfđa