8848 ástćđur til ţess ađ gefast upp

  • Fréttir
  • 17. september 2019

„8848 ástæður til þess að gefast upp“ er heitið á fyrirlestri Vilborgar Örnu pólfari í Skjólbrekku sunnudaginn 29. sept. kl. 17:00. Ókeypis aðgangur. Vilborg Arna rekur leiðangurssögu sína og segir frá því hvernig hún hefur yfirstigið hindranir, haldið út í erfiðum aðstæðum og tekist á við sorg sem og sigra. Þetta er einlæg frásögn og á erindi við alla sem þurfa að takast á við áskoranir, mótlæti eða vilja bæta árangur sinn.

Af heimasíðu Vilborgar:

Ástríða mín er náttúra, útivist og áskoranir og hef ég haft mikla köllun til þess að fylgja draumum mínum eftir. Mottóið mitt er: “Ef þú þráir eitthvað nógu heitt að þá finnurðu leiðina, – annars finnurðu bara afsökunina“.  Ég hef einnig valið mér gildi og haft þau sem leiðarljós í öllum mínum verkefnum. Þau eru:

JÁKVÆÐNI - ÁRÆÐNI - HUGREKKI

Ég hvet fólk líka til þess að leyfa sér að dagdreyma því draumarnir eru oft undirrót þess að fólk setji sér markmið. Í dagdraumunum er maður nefnilega alltaf leynt og ljóst að ná markmiðum sínum og maður er að ferðast inn á staði og inn í aðstæður sem manni langar raunverulega að vera á.  Auk þess er maður alltaf sigurvegari í sínum eigin draumum og við eigum að hugsa um okkur sem sigurvegara í okkar eigin lífi.

Meðal leiðangra sem ég hef farið í eru skíðaferð yfir Grænlandsjökul,  farið í siglingarleiðangra og gengið einsömul á Suðurpólinn. Jafnframt hef ég klifið fjöll bæði hér á landi og víða erlendis. Árið 2014 varð ég fyrsta og eina konan í heiminum sem hefur bæði klifið 8000m tind sóló og gengið á pól sóló. Það eru forréttindi að alast upp á íslenskum fjöllum og jöklum. Aðstæðurnar á Íslandi eru oft krefjandi og þá sérstaklega með tilliti til veðurfars. Íslenska náttúran hefur verið góður skóli með öllum sínum litbrigðum.

Bakgrunnur minn er fyrst og fremst úr ferðaþjónustu en ég hef sinnt hinum ýmsu störfum innan hennar. Ég er með B.A. ferðamálafræðum frá Háskólanum á Hólum í Hjaltadal og hefur auk þess MBA gráðu frá Háskóla Íslands.

www.vilborg.is - Skútustaðahreppur er Heilsueflandi samfélag – Fyrirlesturinn er styrkur af Lýðheilsusjóði


Deildu ţessari frétt

AĐRAR FRÉTTIR

Fréttir / 17. september 2019

Dagskrá 25. fundar sveitarstjórnar

Fréttir / 4. september 2019

Dagskrá 24. fundar sveitarstjórnar

Fréttir / 3. september 2019

Tímabundin lokun ađgengis í Höfđa