Fjölskyldusirkushelgi í Skútustađahreppi 11. og 12. maí

  • Fréttir
  • 9. apríl 2019

Húlladúllan heimsækir Skútustaðahrepp helgina 11. -12. maí með frábæra og heilsueflandi fjölskyldusirkushelgi! Við munum njóta læra nýja og spennandi hluti, hlæja, svitna og gleðjast. Kennt er í 12 klukkustundir alls og er þáttökugjald 2000 krónur. Heimsækið heimasíðu Húlladúllunnar til þess að skrá þáttakendur til leiks: www.hulladullan.is

Þetta er skemmtilegt og spennandi verkefni sem er unnið undir formerkjum heilsueflandi nálgunnar. Dagskráin er sérstaklega sniðin að því að fjölskyldan og samfélagið geti öll tekið þátt saman burtséð frá aldri og stærð.

Fjölskyldusirkushelgin felur í sér tveggja daga kennslu þar sem þáttakendur fá að prófa hinar ýmsu sirkuslistir og og sirkusáhöld undir leiðsögn tveggja frábærra kennara. Húlladúllan Unnur Máney leiðir kennsluna og með henni er Erna Héðins, kennari og markþjálfi. Kennt er í sex klukkutíma laugardag og sunnudag með klukkutíma hádegishléi hvorn dag, frá klukkan 11:00 til klukkan 17:00.

Markmið kennslunnar er að þáttakendur geti eftir að námskeiðinu lýkur nýtt sér það sem þau lærðu til að leika og njóta. Þáttakendur fá kennslugögn sem innihalda minnislista yfir þau trix sem kennd voru, leiðbeiningar um það hvaða áhöld megi nota í stað sérhæfðra sirkusáhalda og leiðbeiningar um það hvar á vefnum sé að finna góð kennslumyndbönd fyrir þau sem vilja halda áfram að bæta við þá kunnáttu sem þau öðluðust um helgina.

Hver smiðja getur tekið við 50 þáttakendum frá grunnskólaaldri og upp úr. Þáttökukostnaði er haldið í lágmarki en aðeins er rukkað 2000 króna skráningargjald fyrir hvern þáttakanda. Þetta er mögulegt þökk sé stuðningi Norðurorku og Uppbyggingarsjóðs Norðurlands eystra ásamt stuðningi þeirra sveitarfélaga sem taka þátt, í formi afnota af aðstöðu.


Deildu ţessari frétt

AĐRAR FRÉTTIR

Fréttir / 17. september 2019

Dagskrá 25. fundar sveitarstjórnar

Fréttir / 4. september 2019

Dagskrá 24. fundar sveitarstjórnar

Fréttir / 22. ágúst 2019

Dagskrá 23. fundar sveitarstjórnar

Fréttir / 19. ágúst 2019

Frá Íţróttamiđstöđ Skútustađahrepps

Fréttir / 19. ágúst 2019

Frá Íţróttamiđstöđinni á Laugum