Umferðaröryggisáætlun Skútustaðahrepps 2019-2022 samþykkt – Forgangsröðun verkefna

• Fréttir
• 8. apríl 2019

Á fundi sveitarstjórnar Skútustaðahrepps í haust var samþykkt að ráðast í gerð umferðaröryggisáætlunar fyrir sveitarfélagið. Undanfarin ár hafa sveitarfélög verið sérstaklega hvött til að gera áætlun um umferðaröryggi. Umferðaröryggisáætlanir sveitarfélaga miða að því að auka vitund um umferðaröryggismál meðal forráðamanna sveitarfélaga og almennings. Í því felst að greina stöðuna, finna slysastaði, setja sér markmið og gera aðgerðaráætlun. Tilgangurinn er að stuðla að skilvirkari forgangsröðun verkefna í umferðar-öryggismálum. Gerður var samningur við Samgöngustofu um aðstoð við gerð umferðar-öryggisáætlunar og var hann samþykktur í sveitarstjórn 24. október. Gerð var verkefnisáætlun og settur á laggirnar samráðshópur undir stjórn sveitarstjóra sem hélt utan um verkefnið. Stýrihópurinn fundaði alls þrisvar sinnum og haldinn var opinn íbúafundur. Frumdrög að umferðaröryggisáætluninni fóru í opinbert umsagnarferli þar sem íbúum gafst kostur á að koma með ábendingar og athugasemdir. Engar athugasemdir bárust.

Sveitarstjórn samþykkti Umferðaröryggisáætlun Skútustaðahrepps 2019-2022 og lýsti yfir ánægju sinni með hvernig til tókst og þakkaði öllum þeim sem komu að þessari metnaðarfullu vinnu.

Umferðaröryggisáætlun Skútustaðahrepps 2019-2022

• Síðast uppfært: 8. apríl 2019