Tilbođ óskast í Birkihraun 9

  • Fréttir
  • 18. febrúar 2019

Óskað er eftir tilboðum í eignina Birkihraun 9 í Mývatnssveit sem er skemmd eftir vatnstjón.  Eignin verður til sýnis fimmtudaginn 21.2. 2019 milli kl. 16 og 17.  

Tilboðum skal skilað á Fasteignasöluna Byggð á Akureyri fyrir kl. 16. mánudaginn 25.2.2019,  áskilinn er réttur til þess að taka hvaða tilboðið sem er eða hafna öllum.

Birkihraun 9 er tvílyft einbýlishús, komið er inn í forstofu sem er flísalögð, innaf forstofu er snyrting.  Á neðri hæð er stofa og eldús og innaf eldhúsi er þvottahús.  Úr stofu er gengið á lóð.  Á efri hæð eignarinnar eru fjögur herbergi auk baðherbergis.  Á baði eru flísalíkisplötur á vegg og flísar á gólfi.  Viðargólf eru á efri hæðinni.

Eignin er skemmd eftir vatnstjón og hefur verið sagað neðan af plötuklæðningu víða á neðri hæð.  Rifið hefur verið úr loftum neðri hæðar, innréttingar og  á gólfefni neðri hæðar hafa einnig verið fjarlægð.  Á efri hæð eru skemmdir í dyragerektum, hurðum, loftaklæðningu og er fyrirséð að fjarlægja þurfi þá hluta eignarinnar einnig.  

Eignin er seld í því ástandi sem hún er í á skoðunardegi og áhugasömum er bent á að skoða eignina rækilega.

Sjá nánari upplýsingar hér á heimasíðu Fasteignasölunnar Byggðar.


Deildu ţessari frétt