Sveitarstjórapistill nr. 46 kominn út - 10. janúar 2019

  • Fréttir
  • 10. janúar 2019

Góðan daginn kæru Mývetningar um land allt! Gleðilegt ár. Meðfylgjandi er sveitarstjórapistill nr. 46 sem kemur út í dag  10. janúar 2019 í kjölfar sveitarstjórnarfundar sem haldinn var í gær.  

Síðasta ár var viðburðaríkt hér í sveit og áframhaldandi uppbygging er fram undan hjá sveitarfélaginu. Eins og kemur fram í pistlinum á sér stað afar jákvæð mannfjöldaþróun í Mývatnssveit og í því felst skemmtileg áskorun fyrir okkur. Meðal annars á að stækka leikskólann í ár ásamt ýmis konar verkefnum sem eiga að stuðla að því að auka hamingju íbúa í sveitarfélaginu!

Í pistlinum er líka fjallað um gatnagerð og 8 nýjar íbúðir, breytingar á sumarlokun leikskóla, stækkun leikskóla, fjárframlag frá Vegagerð til göngu- og hjólreiðastígs í fyrsta áfanga umhverfis Mývatn, sveitarfélögin Skútustaðahreppur og Þingeyjarsveit hafa gert samkomulag um aðgengi barna og ungmenna í Skútustaðahreppi að sundlauginni á Laugum, gestastofur, þorrablótið, könnun um líða Mývetninga, álestur á hitaveitumælum o.fl.

Pistlarnir koma út tvisvar í mánuði, í kjölfar sveitarstjórnarfunda. Tilgangurinn er að auka upplýsingaflæði og koma því á framfæri sem verið er að vinna að hverju sinni á vettvangi sveitarstjórnarmála. Allar ábendingar eru vel þegnar. Eldri pistla má nálgast á heimasíðu sveitarfélagsins, www.skutustadahreppur.is

Sveitarstjórapistill nr. 46 - 10. janúar 2019


Deildu ţessari frétt