Ný lög um lögheimili og ađsetur

  • Fréttir
  • 2. janúar 2019

Þann 1. janúar næstkomandi tóku gildi ný lög um lögheimili og aðsetur (lög nr. 80/2018). Með lögunum taka gildi ýmsar breytingar er varðar tilkynningu og skráningu lögheimilis en m.a. fellur niður hlutverk sveitarfélaga við að taka á móti flutningstilkynningum.

Helstu breytingarnar eru eftirfarandi: 
• Flutning innanlands verður eingöngu hægt tilkynna með rafrænum hætti á vef Þjóðskrár Íslands, www.skra.is, eða á starfsstöðvum stofnunarinnar í Reykjavík og á Akureyri.
• Flutning til landsins verður hægt að tilkynna á starfsstöðvum Þjóðskrár Íslands og á skrifstofum lögregluembætta landsins. 
• Hjónum er heimilt að  hafa sitt hvort lögheimilið ef báðir aðilar samþykkja skráninguna.  
• Víðtækari skilgreiningar verða á húsnæði sem skrá má lögheimili í, líkt og stofnanir fyrir aldraða, búsetuúrræði fyrir fatlað fólk og áfangaheimili.
• Tímabil aðseturskráningar erlendis vegna náms eða veikinda er  skilgreint í lögunum. Aðsetursskráning vegna veikinda gildir í ár í senn og  fjögur ár vegna náms. Að fresti loknum þarf endurnýja staðfestingu á námi eða veikindum.
• Þinglýstir eigendur fasteigna bera ábyrgð á að skráning lögheimilis aðila sem hafa fasta búsetu í húsnæði í þeirra eigu sé rétt. Þinglýstir eigendur munu fá tilkynningu í pósthólf sitt á Ísland.is þegar aðilar skrá lögheimili sitt í fasteign í þeirra eigu.
• Skráning lögheimilis á íbúðir tekur gildi 1. janúar 2020. Með því að skrá lögheimili á íbúðir en ekki bara heimilisfang verður skráning lögheimilis mun nákvæmari en áður.

Þjóðskrá Íslands leggur áherslu á að vera skilvirk, sjálfvirk og snjöll en samkvæmt nýju lögunum er stofnuninni heimilt að viðhafa málsmeðferð vegna lögheimilismála með rafrænum hætti og teljast því tilkynningar í pósthólf á Ísland.is sem fullnægjandi birting.

 


Deildu ţessari frétt

AĐRAR FRÉTTIR

Fréttir / 19. ágúst 2019

Frá Íţróttamiđstöđ Skútustađahrepps

Fréttir / 28. júní 2019

Sumarlokun hreppsskrifstofu 2019

Fréttir / 31. desember 1899

17. júní í Skjólbrekku

Fréttir / 11. júní 2019

Skipulagsfulltrúi óskast

Fréttir / 11. júní 2019

Sjálfbođaliđar stinga skógarkerfil

Fréttir / 10. júní 2019

Dagskrá 21. fundar sveitarstjórnar

Fréttir / 5. júní 2019

Göngu- og hjólastígur viđ Mývatn

Fréttir / 3. júní 2019

Vinsamlegast athugiđ- Rotţrćr losađar

Fréttir / 27. maí 2019

Hreyfivikan heldur áfram