4. fundur

  • Velferđar- og menningarmálanefnd
  • 4. desember 2018

4. fundur velferðar- og menningarmálanefndar haldinn  að Hlíðavegi 6, 4. desember 2018 og hófst hann kl. 15:00.

Fundinn sátu:

Ragnhildur Hólm Sigurðardóttir formaður, Dagbjört Bjarnadóttir varaformaður, Jóhanna Njálsdóttir aðalmaður, Ólafur Þ. Stefánsson aðalmaður og Þorsteinn Gunnarsson sveitarstjóri.

Fundargerð ritaði:  Þorsteinn Gunnarsson, sveitarstjóri.

       Dagskrá:

1. Skútustaðahreppur: Hamingja sveitunga – 1808046

Dagbjört fór yfir stöðu verkefnisins. Sveitarstjórn hefur samþykkt tilboð Þekkingarnets Þingeyinga um umsjá hamingjukönnunar á meðal Mývetninga. Spurningalistinn var gerður í samráði við Embætti landlæknis. Framkvæmd símakönnunar verður í upphafi næsta árs.

Nefndin hvetur Mývetninga til þess að taka þátt í könnuninni í þessa mikilvæga verkefni.

2. Velferðar- og menningarmálanefnd: Styrkumsóknir 2018 - seinni úthlutun – 1811037

Velferðar- og menningarmálanefnd Skútustaðahrepps auglýsir tvisvar á ári styrki til menningarstarfs og úthlutar þeim með hliðsjón af menningarstefnu sveitarfélagsins. Framlag til úthlutunar er ákveðið við gerð fjárhagsáætlunar Skútustaðahrepps ár hvert. Umsóknarfrestur til seinni úthlutunar menningarstyrkja var til og með 20. nóvember s.l. Alls bárust fjórar umsóknir. Heildarupphæð til seinni úthlutunar samkvæmt fjárhagsáætlun er 500.000 kr.

Nefndin samþykkir að styrkja eftirfarandi verkefni:
Lake Mývatn Concert Series: Sumartónleikar og kórastefna við Mývatn. 200.000 kr.
Músík í Mývatnssveit. Tónlistarhátíð. 200.000 kr.
Garðar Finnsson og Hilda Kristjánsdóttir: Munnleg hefð í Mývatnssveit - Menningararfur sem má ekki glatast: 100.000 kr.

3. Bókasafnið - Bókakaffi – 1811054

Formaður kom með þá hugmynd að nefndin stæði fyrir bókakaffi fyrir börn í samstarfi við bókasafnið á opnunartíma safnsins.

Nefndin samþykkir að standa fyrir þessum viðburði í samstarfi við bókasafnsvörð. Formaður heldur utan um skipulagið.

4. Leiklistarstarf í Mývatnssveit – 1811052

Lagt fram erindi dags. 27. nóvember 2018 frá Garðari Finnssyni. Þar kemur fram að undanfarna mánuði hefur Menningarfélagið Gjallandi í samstarfi við íþrótta- og ungmennafélagið Mývetning ásamt Foreldrafélagi skólanna í Mývatnssveit unnið hörðum höndum að undirbúningi til að hefja að nýju leiklistarstarf í Mývatnssveit. Stofnuð hefur verið leiklistarnefnd af því tilefni með aðilum frá öllum þremur félögunum. Óskað er eftir styrk frá sveitarfélaginu í formi aðstöðu í Skjólbrekku til funda, æfinga og sýningar.

Nefndin fagnar því að leiklistarstarf sé aftur komið af stað og leggur til við sveitarstjórn að erindið verði samþykkt.

5. Skútustaðahreppur: Menningarstefna 2018-2022 - 1808042

Unnið að endurskoðun Menningarstefnu Skútustaðahrepps fyrir árin 2019-2022.

Endurskoðun stefnunnar verður framhaldið á næsta fundi.

6. Bókasafnið - Framtíðarsýn – 1811053

Farið yfir bókasafnslög og hlutverk bókasafna í tengslum við bókasafnið í Skjólbrekku. Sameiginlegt markmið bókasafna, sem undir lög þessi falla, er að veita aðgang að fjölbreyttu safnefni og upplýsingum á mismunandi formi. Þau skulu efla menningar- og vísindastarfsemi, menntun, símenntun, atvinnulíf, íslenska tungu, ánægjulestur og upplýsingalæsi.

Að loknum fundi var farið í heimsókn í Bókasafn Mývatnssveitar undir stjórn Þuríðar Pétursdóttur bókasafnsvarðar.

Fleira ekki gert. Fundi slitið kl. 16:30.


Deildu ţessari frétt

AĐRAR FUNDARGERĐIR

Skóla- og félagsmálanefnd / 15. maí 2019

9. fundur

Skipulagsnefnd / 17. maí 2019

12. fundur

Skipulagsnefnd / 14. maí 2019

11. fundur

Sveitarstjórn / 8. maí 2019

19. fundur

Velferđar- og menningarmálanefnd / 7. maí 2019

9. fundur

Umhverfisnefnd / 6. maí 2019

8. fundur

Sveitarstjórn / 24. apríl 2019

18. fundur

Atvinnumála- og framkvćmdanefnd / 10. apríl 2019

5. fundur

Skipulagsnefnd / 16. apríl 2019

10. fundur

Sveitarstjórn / 10. apríl 2019

17. fundur

Umhverfisnefnd / 4. apríl 2019

7. fundur

Velferđar- og menningarmálanefnd / 2. apríl 2019

8. fundur

Sveitarstjórn / 27. mars 2019

16. fundur

Skóla- og félagsmálanefnd / 21. mars 2019

8. fundur

Sveitarstjórn / 13. mars 2019

15. fundur

Umhverfisnefnd / 4. mars 2019

6. fundur

Velferđar- og menningarmálanefnd / 5. mars 2019

7. fundur

Skóla- og félagsmálanefnd / 20. febrúar 2019

7. fundur

Sveitarstjórn / 13. febrúar 2019

13. fundur

Velferđar- og menningarmálanefnd / 5. febrúar 2019

6. fundur

Umhverfisnefnd / 4. febrúar 2019

5. fundur

Velferđar- og menningarmálanefnd / 8. janúar 2019

5. fundur

Atvinnumála- og framkvćmdanefnd / 24. janúar 2019

4. fundur

Skipulagsnefnd / 15. janúar 2019

7. fundur

Skóla- og félagsmálanefnd / 17. janúar 2019

6. fundur

Landbúnađar- og girđinganefnd / 8. janúar 2019

2. fundur

Sveitarstjórn / 9. janúar 2019

11. fundur

Landbúnađar- og girđinganefnd / 10. ágúst 2018

1. fundur

Skóla- og félagsmálanefnd / 19. desember 2018

5. fundur

Skipulagsnefnd / 18. desember 2018

6. fundur