Nýr vefur Sjálfbćrniverkefnisins á Norđausturlandi

  • Fréttir
  • 11. júní 2018

Sjálfbærniverkefnið á Norðausturlandi opnaði fimmtudaginn 17. maí nýja vefsíðu á www.gaumur.is. Sjálfbærniverkefnið á Norðausturlandi er samfélagsverkefni sem hefur þann tilgang að fylgjast með samfélagslegum, umhverfislegum og efnahagslegum breytingum á svæðinu frá Vaðlaheiði í vestri til og með Tjörneshreppi í austri.   

Á vefnum, sem er á slóðinni www.gaumur.is, geta notendur nálgast upplýsingar um þróun samfélags, umhverfis og efnahags á framangreindu svæði, sem talið er að muni verða fyrir hvað mestum áhrifum af uppbyggingu og starfsemi Þeistareykjavirkjunar, iðnaði á Bakka og auknum umsvifum í ferðaþjónustu. Einnig er að finna á vefnum ýmsan fróðleik um sjálfbæra þróun.

Meðal upplýsinga sem eru aðgengilegar á vefnum má nefna mannfjölda svæðisins, tekjur íbúa, samgöngur, lífríki, fasteignamarkað og hag einstaklinga, fyrirtækja og sveitarfélaga. Aðstandendur verkefnisins binda vonir við að þau gögn sem aflað verður og birt á vegum verkefnisins muni nýtast meðal annars við rannsóknir og kennslu á öllum skólastigum, stefnumótun opinberra aðila og atvinnuuppbyggingu á svæðinu.

Aðstandendur verkefnisins eru Landsvirkjun, Landsnet, PCC, fulltrúar ferðaþjónustuaðila, Rannsóknamiðstöð Háskólans á Akureyri ásamt sveitarfélögunum Norðurþingi, Skútustaðahreppi og Þingeyjarsveit. Þekkingarnet Þingeyinga fer með verkefnisstjórn. 

Lögð er áhersla á að vefurinn verði í stöðugri þróun og að nýjar upplýsingar verði birtar með reglubundnum hætti.


Deildu ţessari frétt

AĐRAR FRÉTTIR

Fréttir / 18. febrúar 2019

Tilbođ óskast í Birkihraun 9

Fréttir / 18. febrúar 2019

Öflugur fundur um Umferđaröryggismál

Fréttir / 13. febrúar 2019

Uppfćrđar viđmiđunarreglur um snjómokstur

Fréttir / 7. febrúar 2019

Dagskrá 13. fundar sveitarstjórnar

Fréttir / 25. janúar 2019

Opiđ hús hjá Björgunarsveitinni Stefáni

Fréttir / 23. janúar 2019

Leikskólinn Ylur- nursery school teacher

Fréttir / 23. janúar 2019

Leikskólinn Ylur- Special Education Manager

Fréttir / 23. janúar 2019

Ađstođ í eldhúsi viđ Reykjahliđarskóla

Fréttir / 21. janúar 2019

Hitaveituálestur