Menningarfélagiđ Gjallandi kunngjörir

  • Fréttir
  • 14. febrúar 2018

Aðalfundur félagsins fer fram fimmtudaginn 22. febrúar næstkomandi í Skjólbrekku. Fundurinn verður hefst kl. 20:00 en samhliða hefðbundnum aðalfundarstörfum verður bókakvöld með „bókin á náttborðinu“ fyrirkomulagi. Við gerum þar ráð fyrir að hver og einn segi frá því sem er verið að lesa þá stundina.
Dagskrá aðalfundar er þessi:
1. Kosning fundarstjóra og fundarritara
2. Skýrsla stjórnar lögð fram
3. Reikningar lagðir fram til samþykktar
4. Lagabreytingar
5. Ákvörðun félagsgjalds
6. Kosning stjórnar og endurskoðenda/skoðunarmanna reikninga
7. Önnur mál
Menningarfélagið Gjallandi leitar af áhugasömu fólki til setu í stjórn en tilgangur félagsins er að efla menningarstarfsemi í Mývatnssveit. Tilgangi sínum hyggst félagið ná með því að: Að standa að menningar- og fræðslutengdum viðburðum. Að virkja einstaklinga í skapandi starfi. Að efla vitund um menningu og sögu. Að styðja fræðasamfélagið í Mývatnssveit með fjölbreyttu samstarfi. Að vera vettvangur félagsmanna til að afla styrkja og stuðnings við menningartengd verkefni sem stjórn félagsins hefur samþykkt.                     
Við hvetjum sem flesta til að mæta, njóta samveru og íhuga hvort áhugi sé til að leiða starfið.

Stjórn Menningarfélagsins Gjallanda.

Deildu ţessari frétt