65. fundur

  • Sveitarstjórn
  • 9. nóvember 2017

65. fundur sveitarstjórnar haldinn að Hlíðarvegi 6, 8. nóvember 2017 og hófst hann kl. 09:15.

Fundinn sátu:

Yngvi Ragnar Kristjánsson oddviti, Sigurður Böðvarsson varaoddviti, Jóhanna Katrín Þórhallsdóttir aðalmaður, Friðrik K. Jakobsson aðalmaður og Helgi Héðinsson aðalmaður.

Fundargerð ritaði: Þorsteinn Gunnarsson, sveitarstjóri

Dagskrá:

1. Fjárhagsáætlun: 2018-2021 - 1709001

Í samræmi við vinnuáætlun fjárhagsáætlunar lagði sveitarstjóri fram fyrstu drög að fjárhagsáætlun 2018-2021 og þjónustugjaldskrám.
Vinnufundur sveitarstjórnar vegna fjárhagsáætlunar verður 20. nóvember n.k. Fyrri umræða í sveitarstjórn verður 22. nóvember n.k. og seinni umræða 13. desember n.k.

2. Rekstraryfirlit: Janúar-september 2017 - 1711001

Sveitarstjóri gerði grein fyrir rekstraryfirliti Skútustaðahrepps og stofnana fyrir tímabilið janúar til september 2017. Reksturinn er að mestu leyti í samræmi við fjárhagsáætlun.

3. Jarðböðin: Nýtt deiliskipulag og breyting á aðalskipulagi - 1703017

Efnt verður til almenns kynningarfundar 27. nóvember n.k. þar sem tillaga að breytingu á aðalskipulagi og tillaga að deiliskipulagi, forsendur hennar og umhverfismat verða kynntar fyrir íbúum sveitarfélagins og öðrum hagsmunaaðilum eins og 2. mgr. 30. gr. og 4. mgr. 40. gr. skipulagslaga nr. 123/2010 mæla fyrir um áður en þær verða teknar til afgreiðslu í sveitarstjórn.

4. Deiliskipulag Reykjahlíðar: Breyting á deiliskipulagi - 1710024

Sveitarstjórn samþykkir að grenndarkynna tillögu að breytingu á deiliskipulagi Reykjahlíðar (Reykjahlíðarjarðarinnar) skv. 2. mgr. 43 gr. skipulagslaga nr. 123/2010 og felur skipulags- og byggingarfulltrúa málsmeðferð vegna grenndarkynningarinnar eins og skipulagslög nr. 123/2010 mæla fyrir um.

5. Reykjahlíð: Umferðaröryggismál skólabarna - 1703020

Sveitarstjórn felur skipulags- og byggingafulltrúa og sveitarstjóra að vinna áfram með verkefnið "Umferðaröryggismál skólabarna" með Verkís verkfræðistofu og gera kostnaðaráætlun og forgangsraða úrbótum eftir mikilvægi þeirra. Málinu er að öðru leyti vísað til gerðar fjárhagsáætlunar fyrir árið 2018.

6. Leikskólinn Ylur: Beiðni um stöðu deildarstjóra - 1710009

Sveitarstjórn samþykkir beiðni leikskólastjóra um að formlega verði skipuð staða deildarstjóra á yngri deild Leikskólans Yls. Ráðningin gildi frá 1. nóvember s.l. og á við um starfsmann sem þegar gegnir hlutverkinu og rúmast kostnaður innan fjárheimilda. Að öðru leyti er málinu vísað til gerðar fjárhagsáætlunar 2018.

7. Flugklasinn: Áfangaskýrsla - 1710023

Lagt fram minnisblað frá flugklasanum Air 66N um það helsta í starfseminni frá 10. mars til 19. okt 2017.

8. Landeigendur Reykjahlíðar ehf: Hitaveitureikningur - 1710025

Lagt fram bréf og reikningur frá Ólafi H. Jónssyni verkefnisstjóra Landeigendafélags Reykjahlíðar ehf. vegna uppgjörs leigu hitaveitu 2017 að upphæð 3.330.672 kr.
Sveitarstjórn hafnar reikningi LR ehf. og þeim forsendum sem þar liggja að baki og felur sveitarstjóra að svara erindinu í samræmi við umræður á fundinum.
Helgi Héðinsson vék af fundi við afgreiðslu málsins.

9. Atvinnuþróunarfélag Þingeyinga: Smávirkjanakostir - 1710019

Lagt fram bréf frá Atvinnuþróunarfélagi Þingeyinga dags. 23.10.2017. Samkvæmt Sóknaráætlun Norðurlands eystra er atvinnuþróunarfélögunum falin ábyrgð á því verkefni að skoða möguleika á sjálfbærni í raforkumálum með smávirkjunum (verkefni 5.1.2 í aðgerðaáætlun sóknaráætlunar). Samkvæmt aðgerðaáætluninni á að liggja fyrir greining á möguleikum smávirkjana í landshlutanum. Verkið felst í frumúttekt á smávirkjanakostum á Eyþingssvæðinu þar sem metnir verða 50-60 kostir og mun úttektin fela í sér kortlagningu vatnsfalla skv. loftmyndakorti og áætlað vatnasvið. Helstu kennistærðir verða metnar, s.s. rennsli, fallhæð afl og framleiðsla og mat lagt á miðlunarmöguleika. Smávirkjanir eru allar virkjanir sem eru undir 10 MW og þurfa að jafnaði ekki í umhverfismat.
Áður en lengra er haldið með málið óskar Atvinnuþróunarfélagið eftir afstöðu sveitarfélaganna og landeigenda til verkefnisins.
Sveitarstjórn Skútustaðahrepps gerir ekki athugasemd við kortlagningu smávirkjanakosta á þessu stigi og tekur undir þá áherslu að umhverfisáhrif verði vandlega metin og mat lagt á tengingar við dreifikerfi eins og kemur fram í verkefnalýsingu.

10. Stígamót: Fjárbeiðni fyrir 2018 - 1710018

Lögð fram beiðni um styrk frá Stígamótum fyrir næsta starfsár, 2018.
Sveitarstjórn samþykkir að veita 30.000 kr. styrk til Stígamóta.

11. Svartárvirkjun: Beiðni um umsögn - 1709006

Framhald frá síðasta fundi. Erindi dags 5. september 2017 frá Skipulagsstofnun þar sem vísað er til þess að SSB Orka ehf. hafi tilkynnt til athugunar Skipulagsstofnunar frummatsskýrslu um allt að 9,8 MW Svartárvirkjun í Bárðardal, Þingeyjarsveit.
Með erindinu fylgir frummatsskýrsla um mat á umhverfisáhrifum ofangreindrar framkvæmdar. Með frummatsskýrslu fylgja teikningar og viðaukar.
Samkvæmt 10. gr. laga nr. 106/2000 óskar Skipulagsstofnun eftir að Skútustaðahreppur gefi umsögn um mat á umhverfisáhrifum framkvæmdarinnar. Umsagnaraðilar skulu gefa álit sitt í samræmi við 24. gr. reglugerðar nr. 660/2015 um mat á umhverfisáhrifum.
Í umsögn skal umsagnaraðili á grundveli starfssviðs síns gera grein fyrir hvort hann telji að á fullnægjandi hátt sé gerð grein fyrir fyrirhugaðri framkvæmd og umhverfi, umhverfisáhrifum og mati framkvæmdaaðila á þeim, þörf á að kanna tiltekin atriði frekar, mótsvægisaðgerðum og vöktun.
Sjá heimasíðu Skipulagsstofnunar:
http://www.verkis.is/thjonusta/umhverfi-og-oryggi/mat-a-umhverfisahrifum/verkefni-i-kynningu/svartarvirkjun-i-bardardal
Á síðasta sveitarstjórnarfundi var samþykkt að leita eftir umsögn Náttúruverndarnefndar Þingeyinga um skýrsluna og óska í því samhengi eftir framlengingu á skilafresti til Skipulagsstofnunar, sem og fékkst.
Í ljósi umsagnar Náttúruverndarnefndar Þingeyinga telur sveitarstjórn Skútustaðahrepps að í frummatsskýrslu virkjunar Svartár í Bárðardal sé ekki á fullnægjandi hátt gerð grein fyrir fyrirhugaðri framkvæmd og áhrifum hennar á umhverfi. Í ljósi líklegra neikvæðra áhrifa framkvæmdarinnar á bústofna alþjóðlega mikilvægra andastofna húsanda og straumanda og hæpnum forsendum fyrirhugaðra mótvægisaðgerða tekur sveitarstjórn undir með Náttúruverndarnefnd Þingeyinga í því að rétt sé að hverfa frá framlögðum hugmyndum um virkjun Svartár í Bárðardal. Það yrði Íslendingum, ekki síst Þingeyingum sem á sínum tíma vörðu Mývatn og Laxá, mikill álitshnekkir að heimila slíka framkvæmd í ljósi sérstöðu svæðisins og ótvíræðs verndargildis.

Yngvi Ragnar Kristjánsson fór af fundi og Sigurður Böðvarsson varaoddviti tók við stjórn fundarins.

12. Skýrsla sveitarstjóra - 1611024

Sveitarstjóri fór yfir og lagði fram skýrslu um helstu verkefni frá síðasta sveitarstjórnarfundi. Skýrslan verður birt á heimasíðu sveitarfélagsins og dreift í prentuðu eintaki innan sveitar.

13. Skipulagsnefnd: Fundargerðir - 1611022

Fundargerð 42. fundar skipulagsnefndar frá 30. október 2017 lögð fram. Fundargerðin er í 5 liðum.
Liðir 1, 3 og 4 hafa þegar verið teknir fyrir og afgreiddir af sveitarstjórn (sjá liðir 3, 4 og 5 í þessari fundargerð).
Sveitarstjórn staðfestir fundargerðina að öðru leyti.

14. Forstöðumannafundir: Fundargerðir - 1611048

Fundargerð forstöðumannafundar frá 25. október 2017 lögð fram.

15. Héraðsnefnd Þingeyinga: Fundargerðir - 1611030

Fundargerðir 6. og 7. funda framkvæmdastjórnar HNÞ bs. lagðar fram. Rekstraráætlun HNÞ og safnahússins fyrir árið 2018 vísað til gerðar fjárhagsáætlunar sveitarstjórnar. Jafnframt lýsir sveitarstjórn yfir ánægju sinni með drög að erindisbréfi fyrir Náttúruverndarnefnd Þingeyinga en hún starfar skv. lögum um náttúruvernd nr. 60/2013 og 37. gr. sveitarstjórnarlaga, nr. 138/2011.

16. EYÞING: Fundargerðir - 1611006

Fundargerð 300. fundar stjórnar Eyþings dags. 25. október 2017 lögð fram.

17. Samband íslenskra sveitarfélaga: Fundargerðir - 1611015

Fundargerð 853. fundar stjórnar Sambands íslenskra sveitarfélaga dags. 27. október 2017 lögð fram.

 

Fleira ekki gert. Fundi slitið kl. 11:50

Deildu ţessari frétt

AĐRAR FUNDARGERĐIR

Sveitarstjórn / 16. maí 2018

77. fundur

Skipulagsnefnd / 14. maí 2018

48. fundur

Sveitarstjórn / 9. maí 2018

76. fundur

Umhverfisnefnd / 2. maí 2018

12. fundur

Sveitarstjórn / 25. apríl 2018

75. fundur

Atvinnumálanefnd / 24. apríl 2018

8. fundur

Skólanefnd / 17. apríl 2018

23. fundur

Skipulagsnefnd / 16. apríl 2018

47. fundur

Atvinnumálanefnd / 16. apríl 2018

7. fundur

Sveitarstjórn / 11. apríl 2018

74. fundur

Félags- og menningarmálanefnd / 27. mars 2018

18. fundur

Sveitarstjórn / 28. mars 2018

73. fundur

Skipulagsnefnd / 19. mars 2018

46. fundur

Sveitarstjórn / 14. mars 2018

72. fundur

Skólanefnd / 13. mars 2018

22. fundur

Sveitarstjórn / 28. febrúar 2018

71. fundur

Skipulagsnefnd / 26. febrúar 2018

45. fundur

Sveitarstjórn / 15. febrúar 2018

70. fundur

Umhverfisnefnd / 8. febrúar 2018

11. fundur

Umhverfisnefnd / 1. febrúar 2018

10. fundur

Skólanefnd / 25. janúar 2018

21. fundur

Sveitarstjórn / 24. janúar 2018

69. fundur

Umhverfisnefnd / 16. janúar 2018

9. fundur

Landbúnađar- og girđinganefnd / 9. janúar 2018

12. fundur

Skipulagsnefnd / 15. janúar 2018

44. fundur

Sveitarstjórn / 10. janúar 2018

68. fundur

Sveitarstjórn / 13. desember 2017

67. fundur

Atvinnumálanefnd / 29. nóvember 2017

6. fundur

Félags- og menningarmálanefnd / 28. nóvember 2017

17. fundur

Félags- og menningarmálanefnd / 7. nóvember 2017

16. fundur